މަނާ 29 ވިޔަފާރި ހަރަކާތެއް ކަނޑައަޅައި ފޮރިން އިންވެސްޓްމަންޓްގެ ސިޔާސަތު އާއްމު ކޮށްފި

ފޮރިން އިންވެސްޓްމަންޓަށް މަނާ 29 ވިޔަފާރި ހަރަކާތެއް ކަނޑައަޅައި ފޮރިން އިންވެސްޓްމަންޓްގެ ސިޔާސަތު ސަރުކާރުން އާއްމު ކޮށްފި އެވެ.

ސަރުކާރުގެ ގެޒެޓްގައި މިއަދު އާންމުކޮށްފައިވާ ފޮރިން އިންވެސްޓްމަންޓް ސިޔާސަތުގައި ވަނީ ބޭރުގެ ފަރާތްތަކުން ރާއްޖޭގައި ކުރުން ހުއްދަ އަދި މަނާ ވިޔަފާރިތަކުގެ ތަފްސީލް ހިމަނާފައެވެ. އަދި ސަރުކާރާއެކު މަޝްވަރާކޮށްގެން ކުރެވިދާނެ ވިޔަފާރިތަކުގެ ތަފްސީލްވެސް ވަނީ ހިމަނާފައެވެ.

އެގޮތުން ފޮރިން އިންވެސްޓްމެންޓްގެ ގޮތުގައި ރާއްޖޭގައި ކުރުން މަނާ ބައެއް ވިޔަފާރިތައް ތިރީގައި އެވަނީއެވެ.

ފޮރިން އިންވެސްޓްމެންޓް ސިޔާސަތުގެ ބޭނުމަކީ ރާއްޖެ އަންނަ ބޭރުގެ އިންވެސްޓަރުންގެ އަދަދު އިތުރުކޮށް، ރާއްޖެ އިގުތިސާދީ ގޮތުންނާއި ވަސީލަތްތަކުގެ ގޮތުން ކުރިއަރައިގެން ދިއުމެވެ.

މިއަދު އެންޑޯޒްކޮށްފައިވާ ފޮރިން އިންވެސްޓްމެންޓް ޕޮލިސީ ދެން ރިވިއުކުރާނީ މިއަހަރުގެ ޑިސެންބަރު މަހުގެ 31 ވަނަ ދުވަހުގައެވެ.

ފޮރިން އިންވެސްޓްމެންޓަށް ރަޖިސްޓްރީވުމުގެ ހިދުމަތް ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:00 އިން މެންދުރުފަހު 2:00 އަށް ވެލާނާގޭގެ ހަތަރު ފަންގިފިލާގައި ހުންނަ އިކޮނޮމިކް މިނިސްޓްރީގެ، ފޮރިން އިންވެސްޓްމެންޓް ޔުނިޓުން ލިބޭނެއެވެ. އެޕްލިކޭޝަން ފޯމު އަދި ބޭނުންވާ އެހެނިހެން ޑޮކިއުމެންޓްސް އިކޮނޮމިކް މިނިސްޓްރީގެ ބިޒްނަސް ޕޯޓަލް www.business.egov.mv އިން ލިބެން ހުންނާނެއެވެ.

މީގެ އިތުރުން ފޮރިން އިންވެސްޓްމެންޓް އުސޫލުގެ ދަށުން މިހާރު ރާއްޖޭގައި ހަރަކާތްތެރިވަމުން އަންނަ ފޮރިން އިންވެސްޓްމެންޓްތަކުން ވެސް މިއަދު އާންމުކުރި ފޮރިން ޑިވޮލެޕްމެންޓް ޕޮލިސީގައިވާ އިޖުރާތްތައް ފުރިހަމަ ކުރަން ޖެހޭނެއެެވެ. އަދި މިނިސްޓްރީން ހުއްދަދީފައިވާ ފޮރިން އިންވެސްޓްމެންޓްތަކުން، ފޮރިން އިންވެސްޓްމެންޓްގެ އެގްރީމެންޓްގައި ސޮއިކުރުމުގެ ކުރިން އެޑްމިނިސްޓްރޭޓިވް ފީއެއްގެ ގޮތުގައި 5،000 ޑޮލަރު މީރާއަށް ދައްކަން ޖެހޭނެއެވެ.