ބްރޯޑްކޮމްއަށް ދެ މެންބަރުން އައްޔަން ކުރަން ފޮނުވި ނަންފުޅުތައް ކޮމިޓީއަށް ފޮނުވައިފި

އިބްރާހިމް ޒަކީ

މޯލްޑިވްސް ބްރޯޑްކާސްޓިން ކޮމިޝަން (އެމްބީސީ) ގެ މެންބަރުކަމަށް ދެ މެންބަރަކު އައްޔަން ކުރުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުއްވި ނަންތައް ދިރާސާ ކުރުމަށް މިނިވަން މުއައްސަސާތަކުގެ ކޮމިޓީއަށް ފޮނުވައިފި އެވެ.

ބްރޯޑްކޮމްއަށް މެންބަރުން އައްޔަން ކުރަން ރައީސުލް ޖުމްހޫރިއްޔާ މަޖިލީހަށް ނަންތަކެއް ފޮނުއްވާފައި ވަނީ، ބްރޯޑްކޮމްގެ ރައީސް ކަމުގެ މަގާމުގައި ހުންނެވި މުހައްމަދު ޝަހީބު މަގާމުން އިސްތިއުފާ ދެއްވުމާ ގުޅިގެންނާއި ނައިބުރައިސް ކަމުގެ މަގާމުގައި ހުންނެވި ފާތިމަތު ޒައިނާ މަގާމުން ވަކި ކުރުމާ ގުޅިގެން ދެ މެންބަރުންގެ މަގާމު ހުސްވެފައިވާތީއެވެ.

ޝަހީބު އިސްތިއުފާ ދެއްވުމާ ގުޅިގެން، މެންބަރަކު އައްޔަން ކުރުމަށް ރައީސް ފޮނުއްވި ނަންތައް:

މަރިޔަމް ވަހީދާ، ގ، ހިލްމަން
އައިމިނަތު އަމީނާ، ލ ކުނަަންދޫ، ހަނދުވަރީގެ
އިމްރާނާ ބިންތު އަބްދުﷲ، މ. ކަރޭޖް
އައިޝަތު ދިޔާނާ ތޯހިރު، ސ ހިތަދޫ، ސެވަންސްޓަރ

ޒައިނާ އިސްތިއުފާ ދެއްވުމާ ގުޅިގެން، މެންބަރަކު އައްޔަން ކުރުމަށް ރައީސް ފޮނުއްވި ނަންތައް:

އިމްރާނާ ބިންތު އަބްދުﷲ، މ. ކަރޭޖް
ހަސަން އިރުފާން، މއ ބޮޑުމަގުގެ
ޑރ އިބްރާހިމް ޝިޔާމް، މ ކަފިޔާވިއު

ހަތް މެންބަރުން ހިމެނޭ ބްރޯޑްކޮމްގައި މިވަގުތު ތިއްބެވީ، ތިން މެންބަރުންނެވެ.

ބްރޯޑްކޮމްއަށް އިތުރު ދެ މެންބަރަކު އައްޔަން ކުރުމަށް މިނިވަން މުއައްސަސާތަކުގެ ކޮމިޓީއަށް ފޮނުއްވި ނަންތަކެއް ދިރާސާ ކުރުމުގެ މަަސައްކަތް މިހާރުވެސް އެ ކޮމިޓީން ކުރިއަށް އެބަ ގެންދެއެވެ. އޭގެ ތެރެއިން ކޮމިޓީން ބޭނުންވާ ފަރާތްތަކާ މިހާރު ވަނީ އިންޓަވިއުވެސް ކޮށްފައެވެ.