ރިޔާސީ އިންތިހާބުން މޮޅުވިޔަސް ދެރަވިޔަސް، ދިވެހި ރައްޔިތުންގެ ނިންމުން ބަލައިގަނެވޭ ވަރުގެ ހިތްވަރު ޕީޕީއެމްގައި ހުންނާނެ ކަމަށް ޕީޕީއެމް ޕާލިމަންޓްރީ ގްރޫޕުގެ ލީޑަރު އަހްމަދު ނިހާން ވިދާޅުވެއްޖެ.
ރ. އަތޮޅު، މާލެ ފޮށި ކައިރީ ހޫނުވެއްޖެ. ކަރުދާސްތައް ބައި ނާޅާ ޔޫވީ ލައިޓަށް ލާން އުޅުމުން ގިނަ ބަޔަކު ވަނީ އެކަމާ އިދިކޮޅު ހަދާފައި.
ގަޑިއަށް ބަންދުކުރި ހުރިހާ ވޯޓު ފޮއްޓެއް ގުނަން ފަށައިފި. އެ ފޮށިތައް ގުނަން ފެށީ 7:30ގައި.
އައްޑޫސިޓީ ޝަރަފުއްދީން ސްކޫލުގައި ވޯޓު ގުނަން ފަށައިފި
މިރޭ ހަތެއް ޖެހުމާއެކު ހުރިހާ ކިޔޫތަކެއް ވަނީ ބަންދުކޮށްފަ.
ކަލާފާން ސްކޫލުގައި ބަހައްޓާފައި ހުރި ހުރިހާ ވޯޓު ފޮއްޓެއް ވެސް މިހާރު ބަންދުކޮށްފި.
ގދ، ރަތަފަންދުއާއި ގދ. ފަރެސްމާތޮޑާ ރައްޔިތުން ވޯޓުލުމަށް ކަލާފާނު ސްކޫލުގައި ބަހައްޓާފައި ހުރި ފޮށި ބަންދުކޮށްފި.
ވޯޓު ފޮށިތައް ބަންދުކުރަން ފަށައިފި. ކަލާފާނު ސްކޫލުގައި ހުންނަ ހެންވޭރު ދެކުނު ދާއިރާގެ 1،2،3 ނަންބަރު ފޮށި ވަނީ ބަންދުކޮށްފައި.
ރިހިޖެހި ކޮށިވެސް ގުނަން ތައްޔާރުވަނީ
މަޖީދިއްޔާގައި ބަހައްޓާފައިވާ ފޮށިތަކަށް ގިނަ އަދަދެއްގެ ޕަސަންޓް އެއްގެ މީހުން ވޯޓުލާފައި ވާއިރު، އެއްވެސް ފޮއްޓެއްގައި މިވަގުތު ކިއުއެއްނެތް
ކަލާފާނު ސްކޫލުގަ ހުރި ހުރިހާ ފޮއްޓެއް ގުނަން ތައްޔާރު ވަނީ
އަދިވެސް ކުރީގެ ސިޓީ ކައުންސިލްގަ ވަރަށް ކިއު ދިގު. އަލިކިލޭގެފާނު ކަންމައްޗާ ހިސާބަށް ކިއު ދަމާފައި
ކަރަންޓް ކަނޑާލަފާނެތީ ގދ.ތިނަދޫ އަލިކުރަން ރައްޔިތުން ތައްޔާރުވެފައި
- އިރުއޮއްސި ހައެއް ޖެހުމާ ހަމައަށް ސޯޝަލް ސެންޓަރުގައި ހުންނަ އދ.މަހިބަދޫ 2 ވަނަ ފޮއްޓަށް 600 މީހުން ވޯޓުލައިފި. ރަޖިސްޓަރ ކޮށްފައިވަނީ 642 މީހުން
- އިރުއޮއްސި ހައެއް ޖެހުމާ ހަމައަށް ސޯޝަލް ސެންޓަރުގައި ހުންނަ އދ.މަހިބަދޫ 1 ވަނަ ފޮއްޓަށް 754 މީހުން ވޯޓުލައިފި. ރަޖިސްޓަރ ކޮށްފައިވަނީ 821 މީހުން
މެލޭޝިޔާގައި ވޯޓު ނުލެވި ދެން ބާކީ ތިބީ ގާތްގަނޑަކަށް 800 އެއްހާ މީހުން. އެހެން ވޯޓު ފޮށި ތަކާ އަޅާ ބަލާއިރު މެލޭޝިޔާގެ ވޯޓު ފޮށި ލަސްކަމުގެ ޝަކުވާ އާންމުން ވަނީ ވަރަށް ބޮޑަށް ކޮށްފައި، އެގޮތުން ބައެއް މީހުން ގާތްގަނޑަކަށް 8 ގަޑިއިރު ކިއުގައި ތިބެން ޖެހުނު ކަމަށްވޭ
ރައީސް މައުމޫނުގެ އަނބިކަނބަލުން މެޑަމް ނަސްރީނާ އިބްރާހިމާއި ދަރިކަނބަލުން ޔުމްނާ މައުމޫނު އަދި މެމްބަރު ފާރިސްގެ އަބިކަނބަލުން ވޯޓު ލައްވައިފި
ގދ. ތިނަދޫ Q02 .0.1 މާލެ ފޮއްޓަށް ޖުމްލަ 526 މީހުން ވޯޓުލައިފި. ރެޖިސްޓަރ ކޮށްފައިވާ މީހުންގެ އަދަކީ 587
އުނގޫފާރުގަ އިންނަ ފޮއްޓަށް ޖުމްލަ 973 މީހުން ވޯޓުލައިފި. އެއީ 501 ފިރިހެނުން 472 އަންހެނުން. އެ ފޮއްޓަށް ވޯޓު ނުލައި ތިބީ 113 މީހުން
ތުޅާދޫ ތިން ނަންބަރު ވޯޓު ފޮއްޓަށް ވޯޓު ލާން ދިޔަ މީހަކު ވޯޓު ކަރުދާހުގައި ފާހަގަ ޖެހުމަށްފަހު ވޯޓު ކަރުދާސް ދެއްކުމުން އޭނާ ހައްޔަރު ކޮށްފި
- ހދ. ނޮޅިވަރަންފަރު އެއް ނަމްބަރު ފޮއްޓަށް އަށް ހަވީރު 4 ޖެހުމާ ހަމައަށް ޖުމްލަ 401 މީހުން ވޯޓުލާފައިވޭ. އެއީ 235 އަންހެނުން އަދި 166 ފިރިހެނުން
- ހދ. ނޮޅިވަރަންފަރު ދެ ނަމްބަރު ފޮއްޓަށް އަށް ހަވީރު 4 ޖެހުމާ ހަމައަށް ޖުމްލަ 282 މީހުން ވޯޓުލާފައިވޭ. އެއީ 173 އަންހެނުން އަދި 109 ފިރިހެނުން
ތިނަދޫ ގައި ހުރި 7 ނަންބަރު ފޮއްޓަށް މިއަދު ހަވީރު 4 ޖެހުމާ ހަމައަށް ޖުމްލަ 384 މީހުން ވޯޓުލައިފައިވޭ، އެއީ 191 އަންހެނުން އަދި 193 ފިރިހެނުން
P01.0.1 ގއ އަތޮޅު މާލެ 1، ގިޔާސުއްދީން އިންޓަރނޭޝިނަލް ސްކޫލު ފޮއްޓަށް މިހާތަނަށް 800 ބޭފުޅުން ވޯޓު ލައްވައިފި
ރައީސް ނަޝީދުގެ މަންމާފުޅު އާބިދާ އަހުމަދު ވޯޓު ލައްވައިފި
ލާމު މާމެންދޫގައި ބަހައްޓާފައިވާ ވޯޓު ފޮށި އަށް މިހާތަނަށް 186 ފިރިހެން 184 އަންހެނުން ވޯޓުލައިފި
މިއަދު ހަވީރު 4:00 ޖެހިއިރު R.02.01.4 މާލޭގަން ޕްރީސްކޫލް، މެދު ދާއިރާ މާލެގަން ވޯޓު ފޮއްޓަށް މިހާތަނަށް 243 އަންހެން، 181 ފިރިހެން، ޖުމްލަ 424 މީހުން ވަނީ ވޯޓުލައިފައި. މި ފޮއްޓަށް 469 މީހުން ވޯޓު ލާން ހަމަޖެހިފައިވޭ
އެމްޑީޕީ ވިލިގިލި ދާއިރާގެ ނައިބް ރައީސް އަމީޒް ހަސަން ވޯޓް ލާން ގޮސް ހުއްޓައި، ވޯޓު ލުމުގެ ފުރުސަތު ނުދީ ހައްޔަރު ކޮށްފި އެވެ.
ގއ އަތޮޅޫގެ ކައުންސިލް ރައީސް އަހުމަދު ފުވާދު ވަނީ މިކަން "ވަން އޮންލައިން" އަށް ކަށްވަރުކޮށްދެއްވައިފައެވެ.
ފުވާދު އިތުރަށް ވިދާޅުވީ އަމީޒަށް ވޯޓު ލުމުގެ ފުރުސަތު ނުލިބުމުގެ ޒިންމާ ކޯޓުއިން ނަގާނެ ކަމަށް ފުލުހުން ބުނި ކަމަށެވެ.
މައްޗަން ގޮޅީ ދެކުނު ދާއިރާގެ ކައުންސިލް މެމްބަރު މުހައްމަދު ރަޝީދު ހާރޓް އެޓޭކެއް ޖެހިގެން އައިޖީއެމްއެޗް ގައި އެޑްމިޓްކޮށްފި.
މުހައްމަދު ރަޝީދަށް ހާރޓް އެޓޭކް ޖެހިފައިވަނީ ވޯޓުލުމުގެ އިންތިޒާމު ތަކުގައި އުޅެނިކޮށް.
އުމަރު ނަސީރު ވޯޓު ލެއްވުމަށް ވަޑައިގެން. ވޯޓު ލުމުގެ ސުންގަޑި ވަނީ މިރޭ 7:00 އަށް އިތުރު ކޮށްފައި
ވޯޓުލުމުގެ ސުންގަޑި މިރޭ 7:00 އާ ހަމައަށް އިތުރު ކުރުމާއެކު އެގަޑިއަށްވުރެ ކުރިން އެއްވެސް ވޯޓު ފޮއްޓެއް ގުނަން ނުފަށާނެ ކަމަށް އިލެކްޝަންސްގެ ތަރުޖަމާނު އަދި އެ ކޮމިޝަނުގެ މެމްބަރު އަކްރަމް ވިދާޅުވި
ރިޔާސީ އިންތިޚާބުގެ ވޯޓުލާ ވަގުތު މިރޭ 7:00 އާ ހަމަޔަށް އިތުރުކޮށްފި އެވެ. އިލެކްޝަންސް ކޮމިޝަނުން ދާދި ދެންމެ ކުރި ޓްވީޓެއްގައި ބުނެފައިވާ ގޮތުގައި އެގޮތަށް ފާސްކުރީ އެ ކޮމިޝަނުން ބޭއްވި އިންތިޚާބާ ބެހޭ ޚާއްސަ ޖަލްސާއެއްގަ އެވެ.
އިލެކްޝަންސް ކޮމިޝަނުން މި ގޮތަށް ފާސްކުރުމުން ވޯޓުލާން އެންމެ ފަހު ވަގުތެއްގެ ގޮތުގައި ދެން ކިޔުގައި ޖެހެވޭނީ މިރޭ 7:00 އާ ހަމަޔަށެވެ.
އެގޮތަށް ފާސްކުރި ނަމަވެސް ކޮމިޝަނުގެ އެދިވަޑައިގަތުމަކީ ވީ އެންމެ އަވަހަކަށް ކޮންމެ ބޭފުޅަކު ވެސް އެބޭފުޅެއްގެ އިންތިޚާބީ ހައްގު އަދާކުރައްވައި ވޯޓު ދެއްވުމެވެ.
މިއަދު ހެނދުނު 8:00 އިން ފެށިގެން ވޯޓު ލުން ފެށިގެން ކުރިޔަށްދާ އިރު، ކިޔުތައް ދިގުވެ ބައެެއް ސަރަހައްދު ތަކުގައި ކިޔުގައި މީހުން އެތައް ގަޑި އިރެއް ވާންދެން ކޮޅަށް ތިބެން ޖެހުމުގެ ޝަކުވާ ވަނީ ބޮޑުވެފަ އެވެ.
ކޮމިޝަނުގެ 318 ވަނަ އިންތިހާބާ ބެހޭ ހާއްސަ ޖަލްސާއިން، ރިޔާސީ އިންތިހާބު 2018ގެ ވޯޓުލާ ނިމޭ ގަޑި 19:00 އަށް ފަސްކޮށްފި
ވޯޓުލުމުގެ ކިއު ބަންދުވާން ބައިގަޑިއިރަށް ވެފައި ވާއިރު ފޯރިއާއި އެކީ ވޯޓުލުން ކުރިއަށް ދަނީ. ހަވީރު ހަތަރެއްގެ ފަހުން ކިއު ބަންދުވިއަސް އޭގެ ކުރިން ކިއުއަށް އަރާތިބި އެންމެނަށް ވޯޓުލެވޭނެ.
4 ޖަހާއިރު ވޯޓުލާ ކިއު ބަންދުވާނެ. 4 ޖަހާއިރު ކިއު ބަންދުވި ނަމަވެސް، އޭގެ ކުރިން ކިއު އަށް އަރާ ތިބޭ އެންމެނަށް ވޯޓު ލެވޭނެ
މިހާތަނަށް ވޯޓުލީ ބައެއް ފޮށިތަކުގެ މީހުންގެ އަދަދަށް ބަލާލާއިރު:
- އައްޑޫ ސިޓީ މާލެ - 5 ވަނަ ވޯޓު ފޮށިން 603 މީހުން ރަޖިސްޓްރީ ކޮށްފައިވާއިރު 475 މީހުން ވޯޓު ލައިފި
- ވ. އަތޮޅު މާލެ - 1 ވަނަ ވޯޓު ފޮށިން 738 މީހުން ރަޖިސްޓްރީ ކޮށްފައިވާއިރު 332 މީހުން ވޯޓު ލައިފި
- ނ. އަތޮޅު މާލެ - 3 ވަނަ ވޯޓު ފޮށިން 625 މީހުން ރަޖިސްޓްރީ ކޮށްފައިވާއިރު 514 މީހުން ވޯޓު ލައިފި
- އައްޑޫ ސިޓީ މާލެ - 3 ވަނަ ވޯޓު ފޮށިން 550 މީހުން ރަޖިސްޓްރީ ކޮށްފައިވާއިރު 445 މީހުން ވޯޓު ލައިފި
- އައްޑޫ ސިޓީ މާލެ - 6 ވަނަ ވޯޓު ފޮށިން 589 މީހުން ރަޖިސްޓްރީ ކޮށްފައިވާއިރު 453 މީހުން ވޯޓު ލައިފި
- ރ. އަތޮޅު މާލެ - 1 ވަނަ ވޯޓު ފޮށިން 1010 މީހުން ރަޖިސްޓްރީ ކޮށްފައިވާއިރު 531 މީހުން ވޯޓު ލައިފި
ގއ. ކޮލަމާފުށި މީހުން ވޯޓުލުމަށް ކިއުގައި، ގިނަ އިރު ކޮޅަށް މީހުން ނުބޭއްތިއްބުމަށް މިރަށު މީހުން ވަނީ ސްކޫލު ބޭރުގައި ޖޯލިފަތި ބަހައްޓާފައި
ހުޅުމާލެ ރެހެންދި ސްކޫލުގައި ވޯޓުލުމަށް ގޮސްތިބި މީހުން، ވޯޓުލާ ގަޑި ހަވީރު 4 ޖަހާއިރު ހަމަވާއިރު އަދިވެސް އެތައްބަޔަކު ތިބީ ކިއުގައި
ބްރިގޭޑިއަރ ޖެނެރަލް ޒަކަރިއްޔާ މަންސޫރު ހުޅުމާލެ ރެހެންދި ސްކޫލުގައި ވޯޓު ލުމަށް ކިއުގައި
ރައީސް ނަޝީދުގެ ބައްޕަ، ކޮއްކޮ އަދި މެމްބަރު އީވާވެސް ވޯޓު ލައްވައިފި
ޔޫކޭގައި ވޯޓުލުން ކުރިއަށް ދާއިރު އެޤައުމަށް ދަނީ ބޯކޮށް ވާރޭ ވެހެމުން
ވޯޓު ލުމަށް އެންމެ ބޮޑަށް ލަސްވާ ސަބަބަކަށް ކަމަށް ފާހަގަ ކުރެވިފައި ވަނީ ޓެބްލެޓް ބޭނުން ކުރަން ޖެހުމުގެ ސަބަބުން ކަމަށް އާންމުން ބުނަމުން ދޭ
އޮނަރަބަލް އުމަރު ޒާހިރު ވޯޓުލެއްވުމަށް ވަޑައިގަންނަވަނީ
މެލޭޝިޔާގައި ވޯޓުލުން ކުރިއަށްދާއިރު އެތައް ބައެއް އަދިވެސް ކިއުގައި
ޔޫކޭގައި ހުންނަ ރާއްޖެ އެމްބަސީގައި ވޯޓުލުން ދާދި ދެންމެއަކު ފަށައިފި. ވޯޓުލުން ފެށުނީ ރާއްޖެ ގަޑިން 13:30ގައި އަދި މިރޭ 21:30 ވަންދެން ވޯޓުލުން ކުރިއަށް ދާނެ.
ވޯޓު ލާ މަރުކަޒު ބެލުމަށް ވީއާރ (އައިޑީ) ޖެހުމަށްފަހު 1414 އަށް ފޮނުވާލައްވާ. އޭރަށް ވޯޓު ލުމަށް ޖެހެން ޖެހޭ ކިއު ފަސޭހައިން އިނގޭނެ
މާލޭގެ އެކި ސަރަހައްދުން: ވޯޓުލުމަށް އެތައް ގަޑި އިރަކު ކިއުގައި ތިބެން ޖެހޭތީ ވަރަށް ގިނަ ޝަކުވާ ދަނީ ސޯޝަލްމީޑިއާގައި ފާޅުކުރަމުން.
މެލޭޝިޔާގައި ހުންނަ ވޯޓު ފޮށްޓަށް ވޯޓުލުމަށް ގޮސްތިބި ދިވެހި ކުދިންވެސް ކިއު ދިގުވެ ވޯޓު ލުން ލަސްވަމުންދާތީ ސޯޝަލް މީޑިއާގައި ނުރުހުން ފާޅުކުރަމުން ދަނީ
ފިނޭސް މިނިސްޓަރ އަހުމަދު މުނައްވަރު އަދިވެސް ހުންނެވީ ވޯޓު ދެއްވުމަށް ކިއުގައި، އެމަނިކުފާނު ވޯޓު ދެއްވަނީ ކަލާފާނު ސްކޫލަށް
މަޖީދިއްޔާ ސްކޫލްގައި ހުންނަ ރ.އަތޮޅު އެއް ނަންބަރު ފޮށްޓަށް ވޯޓުލުމަށް މީހުން ކިއުގައި
ވޯޓުލުމަށް ކިއު ދިގުވުމުގެ ސަބަބުން ގިނަ ބަޔަކު ސޯޝަލް މީޑިޔާގައި ޝަކުވާ ކުރަމުންދޭ
ވޯޓުލުމަށް ކިއު ދިގުވުމުގެ ސަބަބުން ގިނަ ބަޔަކު ސޯޝަލް މީޑިޔާގައި ޝަކުވާ ކުރަމުންދޭ
ކުރީގެ ހެލްތް މިނިސްޓަރ އަދި ސިމްޑީ ކުންފުނީގެ ސީއީއޯ ޑރ، މަރިޔަމް ޝަކީލާ އެކަމަނަމާގެ ފިރިކަލުން އަދި އާއިލާގެ ބޭފުޅުންނާއެކީ ވޯޓު ލައްވަވައިފި.
ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ވޯޓު ލެއްވުމަށް ކިއުގައި މަޑުކޮށްލައިގެން
800 މީހުން ވަނީ ގަލޮޅު ދެކުނު ދާއިރާގެ ވޯޓުފޮށްޓަށް ވޯޓުލުމަށް ރަޖިސްޓްރީކޮށްފައި. މި ފޮށި ހުރީ އިމާދުއްދީން ސްކޫލުގައި
ރައީސުލްޖުމްހޫރިއްޔާގެ ނައިބު ޢަބްދުﷲ ޖިހާދު މިއަދު ހެނދުނު ވޯޓުލައްވެވި. އެމަނިކުފާނު ވޯޓު ލެއްވީ، ވެލާނާގޭގައި ހުރި ވޯޓު ފޮށްޓަކަށް
މިނިސްޓަރ އޮފް ހެލްތް އަބްދުﷲ ނާޒިމް އިބްރާހީމް ވޯޓު ލައްވައިފި
ޑިފެންސް އެންޑް ނޭޝިނަލް ސެކިއުރިޓީ މިނިސްޓަރ އާދަމް ޝަރީފް ވޯޓު ލައްވައިފި
ހޯމް މިނިސްޓަރ އަޒްލީން ވޯޓް ލައްވައިފި. މިނިސްޓަރ ވޯޓު ލައްވާފައިވަނީ ކަލާފާނު ސްކޫލަށް
ކުޅުދުއްފުށީގައި ވޯޓުލުމަށް ކިއު ހަދާފައި، މިރަށުގައި 8 ވޯޓު ފޮށި ބަހައްޓާފައިވާއިރު 5682 މީހުން ވޯޓުލުމަށް ވަނީ ރެޖިސްޓަރ ކޮށްފައި
ސީއެޗްސީގައި ހުންނަ ވޯޓުލާ މަރުކަޒުގައި ވޯޓުލުން ކުރިއަށް ދަނީ
އަރަބިއްޔާ ސްކޫލުގައި ހުންނަ ވޯޓުލާ މަރުކަޒުގައި ވޯޓުލުން ކުރިއަށް ދަނީ
ރާއްޖެޔާއި ރާއްޖެއިން ބޭރުގައި ވޯޓުލުން ކުރިއަށް ދާއިރު އަދިވެސް ގިނަ ބަޔަކު ވަނީ ކިއުގައި
އިސްކަންދަރު ސްކޫލުގައި ހުންނަ ވޯޓުލާ މަރުކަޒުގައި ވޯޓުލުން ކުރިއަށް ދަނީ
ފިނޭސް މިނިސްޓަރ އަހުމަދު މުނައްވަރު ވޯޓު ދެއްވުމަށް ކިއުގައި
ވޯޓުލާ ފެށުމުގެ ކުރިން ހުރިހާ ކަރުދާހެއް ގުނާ، ޗެކް ކުރިކަން ފާހަކޮށްލެވޭ. ވޯޓުލާ ފޮށިތަކުގެ 99 ޕަސެންޓް ފޮށިތައް ތައްޔާރުކުރިވިފައި ވަނީ ވޯޓުގެ ސިއްރުކަްން ކަށަވަރު ކުރެވޭނެ ގޮތަކަށް. އެކަން ސާފް ނުވާ އެއް ޕަސެންޓް ފޮށިތައް މި ޖަމިއްޔާއިން ކައިރިން ބަލަމުންދާނެ. އުންމީދު ކުރަނީ ވީހާވެސް ގިނަ ބަޔަކު ވޯޓުލާން ވަޑައިގަތުމަށް: ޓްރާންސްޕޭރެންސީ މޯލްޑިވްސް
ވޯޓުލުން ފެށިގެން ގޮސްފައި ވަނީ ޖުމްލަ ގޮތެއްގައި ރަނގަޅަށް. އެގޮތުން ވޯޓުލާ މަރުކަޒުތަކުގެ ތެރެއިން 97 ޕަސެންޓް މަރުކަޒުތަކުގައި 8:30ގައި ވޯޓުލާން ފަށާފައިވާ އިރު، 66 ޕަސެންޓް މަރުކަޒުގައި ވޯޓުލުން ކުރިއަށް ދާން ފެށީ ވޯޓުލުން ފެށި ގަޑީގެ 10 މިނެޓް ފަހުން. ހުރިހާ ވޯޓުލާ މަރުކަޒެއްގައިވެސް ހާޒިރުވާން ޖެހޭ އޮފިޝަލުން ހާޒިރުވެ ތިބި: ޓްރާންސްޕޭރެންސީ މޯލްޑިވްސް
ރާއްޖޭގެ އެންމެ ބޮޑު އެއް ސަރަހައްދު ކަމަށްވާ އައްޑޫ ސިޓީން އެއްކޮށް ކަރަންޓު ކެނޑިފައި އޮތް ނަމަވެސް، ވޯޓުލުން ކުރިއަށް އެބަދޭ.
ދުންޔާ މައުމޫން ވޯޓުލެއްވުމަށްޓަކައި އަވަށްޓެރި ސްރީލަންކާގެ ކިއުގައި
މިފަހަރުގެ ރިޔާސީ އިންތިހާބުގައި 2،62،135 މީހުންނަށް ވޯޓުލުމުގެ ހައްގު ލިބިފައިވޭ. އަދި ޖުމްލަ 472 ވޯޓު ފޮށި ރާއްޖޭގެ އެކިއެކި ކަންކޮޅުތަކުގައި ބެހެއްޓިފައިވޭ.
ރައްޔިތުން ވޯޓުލާން ބޭނުންވެފައިވާ މިންވަރު ފެނިގެންދޭ.. މިހާރު މިއޮތް އަމާން މާހައުލު އެގޮތުގައި ބާއްވަ ދެއްވާ.. ހަމަނުޖެހުމަކަށް ފުރުސަތު ނުދެއްވާ.. މިވަގުތާ ހަމައަށް ފުލުހުންގެ ފަރާތުން ރައްިތުންނަށް ދެއްވާ އެއްބާރުލުން އުފާލާއެކު ފާހަގަކުރަން: މަހުލޫފް
މާލެ އާއި ރަށްރަށުގައި ވޯޓުލުން ފެށިގެން ކުރިއަށްދާއިރު، ހުރިހާ ސަރަހައްދެއްގައި އާންމު ހާލަތު ރަނގަޅު: ޕޮލިސް
އިދިކޮޅު އިއްތިހާދުގެ ރިޔާސީ ކެނޑިޑޭޓް އިބްރާހިމް މުހައްމަދު ސޯލިހު (އިބޫ)ގެ ރިޔާސީ އިންތިހާބުގެ ތަރުޖަމާނު އަދި ރައްޔިތުންގެ މަޖިލީހުގެ މައްޗަންގޯޅި އުތުރު ދާއިރާގެ މެމްބަރު މާރިޔާ އަހުމަދު ދީދީ ވޯޓު ލައްވައިފިއެވެ. މާރިޔާ ވޯޓު ލެއްވީ އަހުމަދިއްޔާ އިންޓަރނޭޝަނަލް ސްކޫލަށެވެ.
ދިވެހިން ކިޔެވުމަށް އެންމެ ގިނައިން ގޮސްއުޅޭ އެއް ޤައުމު ކަމަށްވާ މެލޭޝިޔާގައިވެސް ވޯޓުލުން ފެށިގެން ކުރިއަށް އެބަދެއެވެ.
ވީހާވެސް އަވަހަކަށް ވޯޓުލާން ދިއުމަށް އިލެކްޝަންސް ކޮމިޝަނާއި ސިޔާސީ ޕާޓީތަކުން އިލްތިމާސްކުރޭ.
ޓެބްލެޓްތަކަށް ދިމާވާ މައްސަލަތައް ހައްލުނުވުމުން ބައެއް ސަރަހައްދުތަކުގައި ދަނީ މެނުއަލްކޮށް، ވޯޓުލާ މީހުން ފާހަގަކުރުމުގެ މަސައްކަތް ކުރަމުން.
އިދިކޮޅު އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ވޯޓުލައްވައިފި. އިބޫ ވޯޓު ލެއްވީ ޅ. ހިންނަވަރު ރައްޔިތުން ވޯޓުލުމަށް އިމާދުއްދީން ސްކޫލްގައި ބަހައްޓާފައި ހުންނަ ވޯޓު ފޮއްޓަކަށް.
އައްޑޫ ސިޓީ ހިތަދޫ ސްކޫލުގައި ހުންނަ ވޯޓު ފޮއްޓަށް ވޯޓުލާން ފެށިފައިވަނީ ހެނދުނު 8:00ގައި.
ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމީން އަބްދުލްޤައްޔޫމްގެ އަނބިކަނބަލުން ފާތިމަތު އިބްރާހިމް (މެޑަމް ފާތުން) ވޯޓު ލައްވައިފި. މެޑަމް ފާތުން ވޯޓު ލެއްވީ ގަލޮޅު ދަނޑުގައި ހުންނަ ވޯޓު ފޮއްޓަށް.
ގިޔާސުއްދީން ސްކޫލުގައި ހުންނަ ފޮއްޓަކަށް އެމްއެންޔޫގެ ޗާންސެލަރ ޑރ. މުހައްމަދު ލަތީފު ވަނީ ވޯޓު ލައްވާފައި.
އިދިކޮޅު އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ވެސް އިރުކޮޅެއް ތެރޭ ވޯޓުލާން ވަޑައިގަންނަވާނެ ކަމަށް މައުލޫމަތު ލިބޭ. މިހާތަނަށް ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމީން އަބްދުލްޤައްޔޫމާއި އެމަނިކުފާނުގެ ރަނިންމޭޓް ޑރ. މުހައްމަދު ޝަހީމް އަލީ ސައީދު އަދި އިދިކޮޅު އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ)ގެ ރަނިންމޭޓު ވެސް ވަނީ ވޯޓު ލައްވާފައި.
އިދިކޮޅު އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ)ގެ ރަނިންމޭޓް ފައިސަލް ނަސީމް ވޯޓު ލައްވައިފި. ފައިސަލް ވޯޓު ލެއްވީ ފުވައްމުލަކު ސިޓީގެ ރައްޔިތުން ވޯޓުލުމަށް އަރަބިއްޔާ ސްކޫލުގައި ބަހައްޓާފައި ހުންނަ ވޯޓު ފޮއްޓަށް.
އދ. މާމިނގިލީގައި ހުންނަ ވޯޓުލާ މަރުކަޒެއްގައި ބޭނުންކުރާ ޓެބްލެޓްތަކަށް ވެސް ވަނީ މައްސަލައެއް ދިމާވެފައި. އެ މައްސަލަ ދިމާވުމުން ވޯޓުލުން މަޑުޖެހިގެންދިޔަ.
ގިނަ ސަރަހައްދުތަކުގައި އެންމެ ބޮޑަށް ފާހަގަވެގެންދާ މައްސަލައަކީ ޓެބްލެޓަށް ދިމާވާ މައްސަލަތައް. އެކަމުގެ ސަބަބުން ވަގުތީގޮތުން ވޯޓުލުން މެދުކަނޑާލުމާއި ކިޔު ދިގުވެގެންދާތަން ފެނިގެންދޭ.
ބައެއް ސަރަހައްދުތަކުގެ ވޯޓު ފޮށިތަކުގެ ކައިރީގައި ތިބޭ އޮފިޝަލުންގެ ފާސްތަކުގައި ފޮޓޯ ނުޖަހާ މައްސަލަތައް ފެންމަތިވެފައިވޭ. އެކަމުގެ ސަބަބުން އޮބްޒާބަރުން މައްސަލަ ހުށަހެޅުމުން ވަގުތީގޮތުން ވޯޓުލުން މެދުކަނޑާލަން ޖެހިފައިވެސް ވޭ.
ރައީސް ޔާމީން ވެސް ވޯޓު ލައްވައިފި. އެމަނިކުފާން ވޯޓު ލެއްވީ ސީއެޗްއެސްއީގައި ހުންނަ ވޯޓު ފޮއްޓަކަށް.
ގިޔާސުއްދީން ސްކޫލްގައި ހުންނަ ވޯޓު ފޮއްޓަކަށް ރައީސް އަބްދުﷲ ޔާމީން އަބްދުލްޤައްޔޫމްގެ ރަނިންމޭޓް ޑރ. މުހައްމަދު ޝަހީމް އަލީ ސައީދު ވޯޓު ލައްވައިފި.
ބައެއް ސަރަހައްދުތަކުގައި ވޯޓުލުން ލަސްވެފައިވަނީ ތަފާތު އެކި ސަބަބުތަކަކާ ހުރެ. ޓެބްލެޓްތަކަށް ދިމާވާ މައްސަލަތަކުގެ ސަބަބުން ވޯޓުލުން ލަސްވެ ނުވަތަ ވޯޓުލުން ވަގުތީ ގޮތުން މެދުކަނޑާލަން ޖެހިފައިވޭ.
ރިޔާސީ އިންތިހާބުގެ ވޯޓުލުމާއި ވޯޓު ގުނުމާއި ނަތީޖާ އަދި ގުޅުން ހުރި މައުލޫމާތުތައް ގެނެސްދިނުމަށް ކުރިއަށްގެންދާ ލައިވް ބްލޮގަށް 'ވަން'ގެ ކިޔުންތެރިންނަށް މަރުހަބާ.
ގިނަ ރަށްރަށުގައި ހެނދުނު 8:00ގައި ވޯޓުލާން ފެށުނު ނަމަވެސް، މަދު ރަށެއްގައި ވޯޓުލުން ފެށުމަށް ހަމަޖެހިފައިވާ ގަޑިއަށްވުރެ ލަހުން ވޯޓުލުން ފެށިފައިވޭ.
ގާސިމް ގަބޫލުކުރައްވާ ގޮތުގައި ރިޔާސީ އިންތިހާބާއި މަޖިލިސް އިންތިހާބު އެކުގައި ބޭއްވުމަކީ ރަނގަޅު ވިސްނުމެއް
ރިޔާސީ އިންތިހާބުގެ ވާހަކަދައްކަން އަދި މާ އަވަސް، މިސްރާބު ހުރީ ކައުންސިލު އިންތިހާބަށް: ޝާހިދު
ވެރިކަން ކުރުމުގެ ވިސްނުމެއް ދުވަހަކުވެސް ނުގެންގުޅޭނަން، މިހުރީ ރައީސަށް ދެވަނަ ދައުރެއް ދޭން: އަބްދުއްރަހީމް
ބަޖެޓު ބޭނުންކޮށްފައި ހުރީ އިންތިހާބުތަކަށް ޓާގެޓުކޮށްގެން، ރައްޔިތުންނަށް ދެއްކީ ދަޅަ: މުއްތަލިބު
ގައުމު މިދަނީ ވިރާސީ ވެރިކަމަކާ ދިމާލަށް، ރައީސް ދެއްވީ ނުރައްކާތެރި ސިގްނަލެއް: ފައްޔާޒް
