އައިފާ އެވޯޑްސް 2025: ލާޕަތާ ލޭޑީސްއަށް 10 އެވޯޑު، ބެސްޓް އެކްޓަރުކަން ކާރްތިކް އަށް

އަައިފާ އެވޯޑްސްގެ ރިހި ޖުބިލީ ފާހަގަކުރީ މިދިޔަ ހަފުތާގެ ބަންދުގައި ޖައިޕޫރުގަ އެވެ. މި ފާހަގަކުރުން ފެށުނީ ހޮނިހިރު ދުވަހު (މާޗް 8) އޯޓީޓީ ސިނަމާ އަދި ސީރީސްތަކުގެ ދާއިރާއިން އެންމެ މޮޅު ހުނަރުވެރިން ފާހަގަކުރުމާއެކުގައެވެ. ފިލްމުތަކުގެ އެންމެ މޮޅު އެވޯޑްތައް ދިނީ މިދިޔަ އާދިއްތަދުވަހުގެ ރޭގައެވެ.

ކިރަން ރާއޯގެ އިޖުތިމާއީ ޑްރާމާ "ލާޕަތާ ލޭޑީސް" އަކީ 10 ޓްރޮފީއާއެކު އެންމެ ބޮޑު ކާމިޔާބު ހޯދި ފިލްމެވެ. މި ފިލްމުން ހޯދި އެވޯޑްތަކުގެ ތެރޭގައި އެންމެ މޮޅު އެކްޓްރެސް، އެންމެ މޮޅު ފިލްމު، އެންމެ މޮޅު ސަޕޯޓިން އެކްޓަރު، އެންމެ މޮޅު ޑައިރެކްޝަން އަދި އެހެނިހެން އެވޯޑްތައް ހިމެނެއެވެ.

ކާރްތިކް އާރިޔަން "ބޫލް ބުލައްޔާ 3" ގައި އަދާކުރި ރޯލަށް އެންމެ މޮޅު އެކްޓަރުގެ ޓްރޮފީ ލިބުނެވެ. ރާގަވް ޖުޔަލް "ކިލް" އަށް އެންމެ މޮޅު ނުބައިބައި ރޯލު އަދާކުރި ފަރާތުގެ އެވޯޑު ލިބުނެވެ.

މި އަހަރުގެ ރަސްމިއްޔާތުގައި އައިކޮނިކް ފިލްމު "ޝޯލޭ" ގެ 50 ވަނަ އަހަރީ ދުވަސް ފާހަގަކުރުމުގެ ގޮތުން ހާއްސަ ފާހަގަކުރުމެއް ހިމެނުނެވެ. ޝާހުރުކް ޚާން އަދި މަދޫރީ ޑިކްޝިް ވަނީ އެ ދެ ފަންނާނުންގެ ހިތްގައިމު ޕަރފޯމަންސަކުން ސްޓޭޖު އަލިގަދަކޮށްލިއެވެ. ކަރީނާ ކަޕޫރު ޚާން ވަނީ އޭނާގެ ކާފަ، މަޝްހޫރު ފިލްމު ޕްރޮޑިއުސަރު، ރާޖް ކަޕޫރު ސިނަމާގެ ދާއިރާގައި ހޭދަކުރި 100 އަހަރު ފާހަގަކުރުމުގެ ގޮތުން ހާއްސަ ޕާފޯމަންސެއް ދީފައެވެ.

މިއަހަރުގެ އެވޯޑު ލިބުނު ފަރާތްތައް