ވިޔަފާރި

އެސްޓީއޯ އިން ކާށި ޝިޕްމަންޓެއް ގެނެސްފި، ވިއްކާނީ ކާއްޓެއް ފަސް ރުފިޔާއަށް

1

މި އަހަރުގެ ރޯދަ މަހަށް ހާއްސްކޮށްގެން ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ކާށި ޝިޕްމަންޓެއް ރާއްޖެ ގެނެސްފިއެވެ.

އެސްޓީއޯ އިން މިއަދު ބުނީ އެ ކުންފުނިން އޯޑަރުކުރި ފުރަތަމަ ބެޗުގެ ކާށި މިހާރު ގެނައީ އިންޑިއާ އިން ކަމަށެވެ. އަދި އެސްޓީއޯ ޕީޕަލްސް ޗޮއިސްގެ ފިހާރައިން މާދަމާ އިން ފެށިގެން ކާށި ވިއްކާނެ ކަމަށާއި ކާއްޓެއް ވިއްކާނީ ފަސް ރުފިޔާއަށް ކަމަށްވެސް އެ ކުންފުނިން ބުންޏެވެ.

ބާޒާރުގައި މި ވަގުތު ކާއްޓެއްގެ އަގު އުޅެނީ 10 ރުފިޔާއާއި 25 ރުފިޔާއާ ދެމެދުއެވެ.

އެސްޓީއޯ އިން ބުނީ ރޯދައަށް ހާއްސަކޮށްގެން ގެނައި ލުނބޯ ޝިޕްމަންޓްވެސް މާދަމާއިން ފެށިގެން އެސްޓީއޯ ޕީޕަލްސް ޗޮއިސްގެ ފިހާރައިން ވިއްކާނެ ކަމަށެވެ. އޭގެ އިތުރުން ހަތަރު ކެޓަގަރީ އަކަށް ބަހާލައިގެން ކާބޯތަކެތި ރާއްޖެއަށް އެތެރެކުރުމަށް ތައްޔާރުވެފައިވާ ކަމަށްވެސް އެ ކުންފުނިން ބުންޏެވެ. އެއީ:

އަސާސީ ކާބޯތަކެތި: ފިޔާ، ބިސް އަލުވި، ކާށި، ކަދުރު
ތާޒާ ތަރުކާރީ އަދި މޭވާ: ލޮނުމެދު، އިނގުރު، ލައިމް، ކެރެޓް، އޮރެންޖް، ކެބެޖް، މިރުސް، ފޭރު، ކަރާ، އަނބޫ، ޕެޝަންފުރުޓް، ކިއުކަންބާ
ޕްރޮސެސްޑް ކާނާ : ނެސްލޭ ކުރީމް، ކޮކޯ ޕައުޑާ، ބޭކެޓް ބީންސް، ގެރިކިރު ދަޅު
ކެއްކުމަށް ބޭނުންކުރާތަކެތި: ސަންފްލާވާ އޮއިލް، ވެޖިޓަބަލް އޮއިލް، ބާސްމަތި ހަނޑޫ

ކޮމެންޓްސް އެބަހުރި، ކިޔާލަން ބޭނުންތަ؟