ބޮކްސް އޮފީހުގެ ގިނަ ރެކޯޑުތަކެއް ހޯދުމަށްފަހު، ޕުޝްޕާ2 ނެޓްފްލިކްސްއަށް އައުމުގެ އުފާވެރި ހަބަރު ދީފިއެވެ.
އިއްޔެ ނެޓްފްލިކްސް އިންޑިއާގެ ރަސްމީ އިންސްޓަގްރާމް އެކައުންޓުން މި ފިލްމުގެ ޓީޒަރެއް ހިއްސާކޮށް، "ޕުޝްޕާ 2" މިއަދުން ފެށިގެން އެ ޕްލެޓްފޯމުގައި ދައްކަން ފަށާނެކަން ވަނީ އިއުލާނުކޮށްފިއެވެ.
ނެޓްފްލިކްސްއިން ކުރި ޕޯސްޓުގައި އޯޓީޓީ ވާޝަންގައި އިތުރު 23 މިނެޓު ހިމެނޭނެ ކަމަށް ބުނެފައިވެއެވެ.
"ޕުޝްޕާ 2: ދަ ރޫލް" އަކީ "ޕުޝްޕާ: ދަ ރައިޒް" ގެ ވާހަކަ ކުރިއަށް ގެންދާ ފިލްމެކެވެ. މި ފިލްމުގައި ދައްކަނީ ދުވަހު މުސާރައަށް މަސައްކަތްކުރި މީހަކު، ލަކުޑީގެ ވަގު ވިޔޔަފާރީގެ ވިއުގައެއް ހިންގާ ގޮތުގެ ވާހަކައެވެ. ރަޝްމިކާ ކުޅެނީ އޭނާގެ އަނބިމީހާ ސްރީވައްލީގެ ދައުރެވެ. އޭނާގެ ވަކިވެފައިވާ އާއިލާއާ ދެކޮޅަށް އޭނާއަށް ތާއީދުކުރާ މީހެއްގެ ގޮތުގައެވެ. ފަހަދު ކުޅެނީ ފުލުސް އޮފިސަރު ބަންވަރު ސިންގް ޝެކަވަތްގެ ދައުރެވެ. އޭނާއަކީ "ޕުޝްޕާ: ދަ ރައިޒް" ގައި ލިބުނު ނިކަމެތިކަމުން އަދިވެސް އަރައި ނުގަނެވި ހުރި މީހެކެވެ. މި ފިލްމު ނިމެނީ "ޕުޝްޕާ 3: ދަ ރެމްޕޭޖް" އަށް އާ ވާހަކައެއް ތައާރަފުކޮށްދީފައެވެ.
ފިލްމު ދައްކަން ފެށުމުގެ އެއް ދުވަސް ކުރިން، ހައިދަރްއާބާދުގެ ސަންދިޔާ ތިއޭޓަރުގައި ހިތާމަވެރި ހާދިސާއެއް ވަނީ ހިނގައިފައެވެ. އަރްޖުން އާއި ފިލްމުގެ ޓީމު އެތަނަށް ޒިޔާރަތްކޮށްފައިވަނީ އެމީހުންގެ ފިލްމު ޕްރޮމޯޓްކުރުމަށެވެ. މި ހާދިސާ ހިނގީ 4 ޑިސެމްބަރު 2024 ގައި "ޕުޝްޕާ 2" ގެ ޕްރިމިއާ ދައްކަމުންދަނިކޮށެވެ. މީގެ ސަބަބުން ރެވަތީ ނަމަކަށް ކިޔާ އަންހެނަކު މަރުވެ، އޭނާގެ ދަރިފުޅު ސްރީ ތޭޖާގެ ހާލު ސީރިއަސްވެ ހޮސްޕިޓަލުގައި އެޑްމިޓްކުރެވުނެވެ.
މި ހިތާމަވެރި ހާދިސާތައް ފެށުނީ ސަންދިޔާ ތިއޭޓަރު ބޭރުގައި އެކްޓަރު ދެކެން ބޭނުންވެގެން ގިނަ ބަޔަކު އެއްވުމާ ގުޅިގެންނެވެ. އޭގެ ފަހުން އަރްޖުން ހައްޔަރުކުރެވި، ފަހުން ބެއިލްގައި ދޫކޮށްލެވުނެވެ.
