ރޯހިތު ޝެއްޓީގެ އެކްޝަން ފިލްމު، "ސިންގަމް އަގެއިން"، ވަނީ އިންޑިއާގެ ދިވާލީގައި ރިލީޒްކޮށްފައެވެ. މި ފިލްމު ރިލީޒްކުރީ ކާތިކް އާރިޔަންގެ "ބޫލް ބުލައްޔާ 3" އާ އެކުގައެވެ. ބޮކްސް އޮފީހުގައި އެވްރެޖަށްވުރެ މަތީ ކާމިޔާބީއެއް ހޯދުމަށްފަހު، މިހާރު އޯޓީޓީ (އޮންލައިން ސްޓްރީމިން) ޕްލެޓްފޯމްތަކުގައި މި ފިލްމު ދެއްކުމަށް ވަނީ ތައްޔާރުވެފައެވެ.
ޢިއްޔެ ޕްރައިމް ވީޑިއޯއިން އިންސްޓަގްރާމްގައި "ސިންގަމް އަގެއިން" ގެ ޕޯސްޓަރެއް ހިއްސާކުރިއެވެ. އެ ޕޯސްޓަރުގައި އަޖޭ ދެވްގަން، ރަންވީރް ސިންގް، ޓައިގަރ ޝްރޮފް، އަކްޝޭ ކުމާރް، އަދި ދީޕިކާ ޕަދުކޯނެ ފެނެއެވެ. މި ޕޯސްޓްގެ ކެޕްޝަންގައި ލިޔެފައިވަނީ "ސިންގާގެ ގުގުމާލުމަށް ތައްޔާރުވާށެވެ." މި ފިލްމު އޯޓީޓީ (އޮންލައިން ސްޓްރީމިން) ޕްލެޓްފޯމްގައި ރިލީޒްކުރުމަށް ހަމަޖެހިފައިވަނީ މިއަދުއެވެ.
މި ފިލްމުގައި ދީޕިކާ ޕަދުކޯން އަދި ޓައިގަރ ޝްރޮފް ރޯހިތް ޝެއްޓީގެ ކޮޕް ޔުނިވާސްއަށް ތައާރަފުކޮށްދެއެވެ. އަރްޖުން ކަޕޫރް މި ފިލްމުގައި ވިލަންގެ ރޯލުގައި ފީޗާކޮށްފައިވާއިރު، އޭނާގެ ޕަރފޯމަންސަށް ތައުރީފު ލިބިފައިވެއެވެ.
ރޯހިތު ޝެއްޓީ ޕިކްޗަޒް، ރިލަޔަންސް އެންޓަޓެއިންމަންޓް، ޖިއޯ ސްޓޫޑިއޯސް، އަދި ދޭވްގަން ފިލްމްސް އިން ޕްރޮޑިއުސްކޮށްފައިވާ "ސިންގަމް އަގެއިން" އަކީ ޝެއްޓީގެ އައިކޮނިކް ކޮޕް ޔުނިވަސްގެ ފަސްވަނަ ބައެވެ. މީގެ ކުރިން އައި ބައިތަކަކީ ސިންގަމް، ސިންގަމް ރިޓާންސް، ސިމްބާ އަދި ސޫރިޔަވަންޝީއެވެ.
ރާމާޔަނާއިން އިންސްޕަޔާވެގެން ހަދާފައިވާ މި ފިލްމުގައި، ބާޖީރާއޯ ސިންގަމް އޭނާގެ ޓީމާއެކު (ރަންވީރް، ދީޕިކާ، އަކްޝޭ، އަދި ޓައިގަރ) އޭނާގެ އަންހެނުން އަވްނީ ކަމަތް ސިންގަމް (ކަރީނާ) ޑޭންޖަރ ލަންކާ (އަރްޖުން) އިން ސަލާމަތްކުރުމަށް ކުރާ މަސައްކަތުގެ ވާހަކަ ކިޔައިދެއެވެ. 350 ކްރޯޑު ރުޕީސްގެ ބަޖެޓަކުން ހަދާފައިވާ ފިލްމެކެވެ.
