ސުކުމާރުގެ ތެލިނގު އެކްޝަން ތްރިލަރު "ޕުޝްޕާ 2: ދަ ރޫލް" އިން އިންޑިއާގެ ބޮކްސް އޮފީހުގައި އާ ރެކޯޑެއް ގާއިމުކޮށްފިއެވެ. އައްލޫ އަރްޖުން ފަދަ ތަރިން ތަމްސީލުކޮށްފައިވާ މި ފިލްމުގެ ހިންދީ ވާޝަން ވަނީ އިންޑިއާގެ ބޮކްސް އޮފީހުން 700 ކްރޯޑު ރުޕީސް ހޯދައިފައިވާ ފުރަތަމަ ހިންދީ ފިލްމަށް ވެފައެވެ. މިއާއެކު، އިންޑިއާގެ ބޮކްސް އޮފީހުގައި 700 ކްރޯޑު ރުޕީސްގެ ކްލަބުގެ އާ މިންގަނޑެއްގެ ގޮތުގައި ވަނީ ކަނޑައެޅިފައެވެ.
"#ޕުޝްޕާ2 އިން ތާރީހު ލިޔެފި... 700 ކްރޯޑު ރުޕީސްގެ ކްލަބް އުފެދިއްޖެ [19 ވަނަ ދުވަހު]، އާ މިންގަނޑެއް ކަނޑައެޅިއްޖެ... މި ފިލްމު ވަނީ މިހާތަނަށް ނުދެކޭ ފަދަ މަގުބޫލުކަމެއް ހޯދާފައި. #ކްރިސްމަސް އަދި #އާއަހަރުގެ ފާހަގަކުރުންތައް ކައިރިވެފައިވާތީ، #ޕުޝްޕާ2 އިން އިތުރު ރެކޯޑުތައް ގާއިމުކުރާނެކަމަށް ލަފާކުރެވޭ." ތަރަން އަދަރްޝް އޭނާގެ އެކްސް އެކައުންޓުގައި އިއްޔެ ހެނދުނު ހިއްސާކުރި ޕޯސްޓެއްގައި ބުނެފައިވެއެވެ.
އައްލޫ އަރްޖުން، ރަޝްމިކާ މަންދަންނާ، އަދި ފަހަދު ފާސިލް ފަދަ ތަރިން ތަމްސީލުކުރާ މި ފިލްމުގެ ހިންދީ ވާޝަން މިހާތަނަށް ވަނީ 704.25 ކްރޯޑު ރުޕީސްގެ އާމްދަނީ ހޯދައިފައެވެ.
